Nostradamus var ekkert merkilegri en ég

nokkrar

2008-09-05T18:13:00.000-07:00

Fyrst dvaldi ég nokkra daga hjá Öglu og Óskari í New York. Hafi þau þökk fyrir alla sína gestrisni, þolinmæði og létta lund.
Hér má líta mynd af Óskari í íbúð sinni í New York.

Síðan hélt ég til þess staðar í Princeton þar sem drottning vísindanna er í hávegum höfð. Þar kom ég mér fyrir í litlu "dorm" herbergi sem mér var úthlutað. Hér má sjá mynd af dorminu mínu utanfrá:

Hringstiginn upp á mína hæð er spírallaga:

Herbergið er smátt eins og má sjá á þessari mynd sem ég smellti af því þegar ég var nýkominn inn:

Miller Chapel:

Þetta eru allt saman myndir teknar á síma. Vonandi koma fleiri seinna.

2008-08-28T10:56:00.001-07:00

Eg er staddur i New York nuna i nokkra daga adur en eg byrja i skolanum. Kom i gaer og gisti nu hja Oskari og Oglu.

Thad er skrytid ad hugsa til thess ad Sigurbjorn Einarsson se nu buinn ad kvedja. Hann hefur verid mikill ahrifavaldur a mig og fjoldamarga adra. Hann kemur til med ad standa sem ein af staerstu personum i islenskri kirkjusogu og ahrif hans verda metin vidfem. Nu verdum vid ad vona ad vid getum haldid afram ad vera kirkja thess orlata, klassiska kristindom sem Sigurbjorn predikadi og lifdi.

2008-08-19T07:43:00.000-07:00

Jæja,
Nú er víst komið að lokum þessarar dvalar minnar hér í Japan. Ég er ótrúlega þakklátur fyrir að hafa fengið að vera hér í þennan tíma. Nú fer ég fyrst vestur til Íslands í stutt stopp áður en ég held til frekari landvinninga, enn vestar - í Ameríku.

Tíminn hérna hefur verið ómetanlegur. Helst þó fyrir það að hafa fengið að vera hérna með henni Völu minni sem gefur og gefur og gefur.

Hún mun áfram vera hér í Tokyo og vinna fyrir íslenska sendiráðið en um jólin mun hún koma til Ameríku- ef allt gengur rétt eftir.

Það verður erfitt að kveðja Völu í þennan tíma en sem betur fer erum við bæði að fara að gera spennandi hluti, þótt þeir krefjist þess að við séum í sitthvorri álfunni.

Yfir og út.

2008-08-17T19:22:00.001-07:00

2008-08-13T00:02:00.000-07:00

líkar vel

2008-08-12T18:34:00.001-07:00

Þegar manni stendur til boða að ganga í feisbúkk-hóp sem heitir: "I am religious but not spiritual" - þá verður maður bara að skrá sig, þó ekki sé nema í stuttan tíma. Slagorð hópsins er svo mjög skemmtilegt: "The most important thing in life is to have an institutional relationship with God". Með þessu fylgja ýmsar myndir, svo sem þessi hér:

Þetta er hressandi í nútíma sem heldur að það sé eitthvað rétt við það að segja "I am spiritual but not very religious" - líkt og vill stundum vera meðal ungs fólks á vesturlöndum. Þrátt fyrir að ég sé jafnan lítið hrifinn af nútímamerkingu orðsins "religious" þá finnst mér þetta vera skemmtilegur tónn sem hér er sleginn.

besti stíllinn...

2008-08-11T06:05:00.001-07:00

því við erum allra bestu vinir

2008-08-10T08:08:00.000-07:00

allt sem er bleikt, bleikt...

2008-08-10T02:36:00.000-07:00

2008-07-28T00:50:00.000-07:00

seismískur hiti

2008-07-23T10:18:00.000-07:00

Hér varð jarðskjálfti eftir miðnætti. Varði nokkuð lengi. Upptökin voru samt býsna langt frá Tokyo.

Hér er afskaplega heitt alla daga. Það hefur verið yfir 30 gráðu hiti upp á hvern dag og mikill raki. Hér er öllum heitt en fólk virðist mæta hitanum af hörku með því að klæða sig bara samt í jakkaföt og lakkskó.

Þegar Benedikt páfi var óbreyttur kardínáli var hann greinilega búinn að hanna sína eigin aðferð til að storka hitanum.

inner city pressure

2008-07-21T03:53:00.001-07:00

hver framdi þetta körfuboltamót?!

2008-07-15T23:56:00.001-07:00

Í Japan er að sjálfsögðu hægt að borða allar heimsins tegundir af mat. Þeirra eigin matarhefð virðist þó enn vera ráðandi, t.d á veitingastöðum. Maturinn á myndinni var bara fínn(reyndar er þetta mynd af bakkanum hennar Völu en ég fékk alveg eins). Maturinn í sem ég fékk í gær var hinsvegar ekkert sérstakur. Hálfgerð mizu-súpa með núðlum og öðru. Það sem gerir það spennandi fyrir okkur að fara japönsku staðina er að matseðlar eru eingöngu með japönsku letri og enskukunnátta þjónustufólks er afar takmörkuð. Niðurstaðan verður að þjónustufólkið fær að velja matinn fyrir okkur. Það veit líka langbest hvað er gott býst ég við. Nema reyndar í gær. Það virtust allir vera með góðan mat nema við. Ég hótaði auðvitað að fremja harakiri á staðnum. D.J.Ó.K.

ps. það er mjög áhugavert orðalag að tala um að "fremja harakiri". Dregur athöfnina einhvernveginn inn í siðferðilega rökvísi vesturlanda sem metur hana neikvætt. Það "fremur" t.d enginn körfuboltamót eða kvöldmatinn, eða skrifstofuvinnu. Það gæfi í skyn eitthvað neikvætt við athafnirnar. Ástæðan fyrir því að ég tek dæmið um körfuboltamótið er að einu sinni á Ísafirði heyrði ég mann segja að það hefði verið framið körfuboltamót þá um morguninn. Ég hugsaði um þetta orðalag lengi á eftir.

vakinn og sofinn í Tokyo

2008-07-14T00:09:00.001-07:00

Á leiðinni til Japan kom ég við í Englandi í nokkra daga. Með mér í þeirri flugferð voru góðvinirnir Magnús Björn og Sigurður Eggerts. Þeir voru á leið til Kenýa daginn eftir. Sigurður var ákveðinn í flugferðinni og krafðist þess t.d að fá auka-máltíð eftir að hann hafði lokið sinni og hluta af máltíðinni hans Magga. Síðan sneri hann ákveðninni að mér og sagði: "Ef þú ert að fara til Tokyo þá áttu eftir að fokkast upp". Hann bætti síðan við að tímamismunurinn væri svo mikill að það ruglaði alveg í svefnkerfinu hjá manni. Síðan talaði hann um að þetta yrði ekkert mál fyrir hann og Magga því að þeir væru ekki að fara í gegnum mörg tímabelti með því að fara til Afríku. Ég vissi svo sem að þetta var rétt hjá honum. En ég þóttist vera nokkuð öruggur þegar ég kom til Tokýo um kvöld, sofnaði um miðnætti á japönskum tíma og vaknaði klukkan 7 daginn eftir. Fullkomið!
Spádómur Sigga hefur hinsvegar byrjað að rætast núna.

hér er ég

2008-07-11T16:42:00.001-07:00

Ég er núna kominn til Japan og mun vera hér í Tokyo í sumar.
Þetta er alltsaman mjög áhugavert.
Það var líka örlítið gaman að millilenda í Kóreu.

rótlaust þang í ölduróti

2008-05-07T16:22:00.000-07:00

"the person who marries the spirit of his age soon becomes a widower"
-William Ralph Inge-

hagsmunahópa-liberalismi

2008-04-30T03:55:00.000-07:00

Ég skrifaði smá grein fyrir Vefritid.
Hana má lesa hér

fréttamenn stöðvar tvö

2008-04-23T12:08:00.000-07:00

Tveir hópar beita hvern annan og hina og þessa ofbeldi í Norðlingaholti. Fréttamenn stöðvar tvö eiga erfitt með að fela brosviprurnar og barnalegan spenningin og segja síendurtekið að þetta sé nú bara eins og að vera í útlöndum.

Þetta finnst mér skrýtið og í minna lagi forframað

feis ðe fakts

2008-01-10T02:25:00.000-08:00

snjór er bara frosið vatn

Siðmennt snýst í hringi

2007-12-05T03:09:00.000-08:00

Siðmennt hefur hingað til haft fremur hófstillta ásýnd í hugum margra á Íslandi.
Nýlega hinsvegar hefur Siðmennt tekið alveg furðulega snúninga. Siðmennt fór að ganga mjög langt. Á tímabili leit svo út að þeim væri að verða ágengt. Það átti að banna fermingarferðir barna á skólatíma og Vinaleið Þjóðkirkjunnar var í mikilli hættu. Kristilegt siðgæði átti síðan að nema burt úr lögum um grunnskóla.
Gott og vel. Það gekk vel hjá Siðmennt á tímabili og allt það.
Þá fóru að heyrast ennþá brjálæðislegri hugmyndir frá Siðmennt. Litlu jólin máttu ekki vera til í núverandi mynd og svo þurfti að skipta um þjóðsöng o.s.frv.
Þegar fólk brást hinsvegar ókvæða við þessari kúgun minnihlutahóps byrjaði Siðmennt að segja að það væri ekki satt að þetta væru "opinber stefnumál" samtakanna og eru komin á flótta undan því sem fulltrúar samtakanna hafa sagt og skrifað. Nú hefur Siðmennt síðan ákveðið að senda út opinbera kröfu um afsökunarbeiðni frá biskup fyrir að hafa kallað samtökin hatrömm í baráttu sinni.

Sömu samtök og hafa skrifað á sína heimasíðu: "Kirkjan hefur barist hatrammlega gegn vísindum, framförum og þekkingu allt fram til dagsins í dag."

Það var einmitt það.

Svavar Alfeð Jónsson rekur vel furðuleika þessa.

guðfræðingurinn Karl Barth

2007-11-22T11:42:00.000-08:00

Hér getur að líta mynd af guðfræðingnum Karl Barth. Mikilvægasti guðfræðingur síðustu aldar að margra mati. Þótt hann sé hér sýndur með vindil þá valdi hann fremur pípuna. Myndin er eftir listamann að nafni Oliver Crisp.Það er reyndar til önnur útgáfa af þessari mynd þar sem talblöðru hefur verið bætt inn á. Gaman að því

Rómulus, Remus og Rauðhetta

2007-11-22T03:53:00.000-08:00

Mér þykir þetta áhugaverð frétt.

Á hárgreiðslustofunni Rauðhetta og úlfurinn má finna flott málverk sem klæðir heilan vegg. Verkið sækir innblástur sinn í frásöguna af Rómulus og Remus. Það er ekki að ástæðulausu enda er myndefninu ætlað að ríma við nafn stofunnar með vísun í úlfinn í frásögunni. Rómúlus og Remus eru síðan báðir klæddir í rauða hettu og skikkju á myndinni.

Um þessa hvelfingu má lesa hér og um R&R hér

Af-afhelgunin, trúin á uppleið?

2007-11-11T05:03:00.000-08:00

Ég setti litla grein inn á Vefritið í gær.

Hana má finna hér

3 samhangandi kvót

2007-11-08T15:33:00.000-08:00

"Liberal Political arrangements coupled with capitalist systems conspire to produce a timeless people whose memories are at best formed by nostalgic sentimentalities. Thus my oft-made claim that "modernity" names the time that produces people who believe they should have no story except the story they chose when they had no story"
Hauerwas- Performing the Faith

"A people afflicted with amnesia are an unstable people, subservient to the idols of the status quo, vulnerable to the self-serving, mendacious word. Conquerors always try to erase or block the memory of those necks they have bent"
Gutierrez - Las Casas

"If the Church is in fact a community determined by a counterstory of the story that we story ourselves , I have suggested the church cannot help but appear as a counterpolitics to the politics of the world"
Hauerwas – performing the faith

Steal your love

2007-11-08T10:00:00.000-08:00

Ég er ekki lítið spenntur fyrir þeirri plötu sem bandið Motion boys sendir vonandi frá sér í náinni framtíð. Mæli með því að flestir líti við á myspace síðu þeirra og hlusti þar á lögin þrjú í spilaranum: Steal your love,Hold me closer to your heart og Waiting to happen.

Stefán og vantrú

2007-11-05T14:13:00.000-08:00

Það hefur verið merkilegt að fylgjast með umræðum á milli Stefáns Einars og vantrúarnáunganna undanfarið(grein 1, 2, 3, 4).

Ég þekki Stefán ágætlega úr guðfræðideildinni og veit að þar fer maður fylginn sér sem enginn fer gegn að gamni sínu.

Það gerðu vantrúanáungarnir hinsvegar nýlega. Mér sýnist þeir vakta flestöll blogg sem fjalla um trúmál og fara um eins og engisprettufaraldur á kommentakerfum þeirra. Ég hefði svo sem getað ráðlagt þeim gegn því að vera að vesenast svona í Stefáni.

Fyrir utan það þá skil ég ekki af hverju Stefán má ekki líka blogga um siðbótardaginn án þess að menn sjái sig knúna til að útlista sig um þá staðreynd að Marteinn Lúther hafi gert virkilega ljóta hluti.

Ég sé sjálfan mig ekki fyrir mér að leita uppi allar færslur um Aristóteles til þess að kommenta um hvað hann hafði neikvæð viðhorf gagnvart konum.

En hver veit? Batnandi manni best að lifa. Kannski að maður fari bara og taki bloggrúnt...

gjafmildur vítisengill gaf íslendingum konu

2007-11-03T11:23:00.000-07:00

Mjög athyglisvert: Sjá hér...

Talið er að konan ætli að ganga berserksgang í kvöld klukkan 22:15 á Laugaveginum.
Þeir sem vilja slást í hópinn geta hitt hana þar.

Hún verður í leðurjakka.

Illa svikinn aðdáandi fær ekki að hitta átrúnaðargoð

2007-11-02T12:41:00.000-07:00

Það sem sumir þurfa að ganga í gegnum.

Old-Greg

2007-11-02T10:37:00.000-07:00

Af því að ég er svona hress þessa dagana og er að sýna varning og myndbönd, öllum til gleði, þá hef ég ákveðið að skella inn smá svona myndbroti sem er afskaplega gefandi. Ég þakka Árna Vilhjálmssyni fyrir ábendinguna. Ég gæti nú best trúað að persónan Old-Greg sé byggð á honum sjálfum enda hefur Árni lengi verið þekktur fyrir að vera mikill mannvinur.

sjá hér...

Lúther- smá nart fyrir þá allra hungruðustu

2007-11-01T16:33:00.000-07:00

Í ljósi viðbragða við síðustu færslu sýnist mér sem margir gætu haft áhuga á kvikmyndinni um Martein Lúther sem þar var kynnt. Líklegt er að siðbótardagurinn sem var í gær hafi kynnt í fólki og valdið áhuga. Fyrir þá sem eru þegar búnir að panta eintak þá er ekki úr vegi að kíkja á stórglæsilegan trailer úr kvikmyndinni Luther- Rebel, Genius, Liberator?

Sjá hér:
"My conscience is captive to the word of God"

Siðbótardagurinn

2007-10-31T15:24:00.000-07:00

Í dag var siðbótardagurinn. Hann er ár hvert þann 31.október.
Í dag er þess minnst að 490 ár eru frá því að 95 greinar Marteins Lúthers voru negldar á kirkjudyrnar í Wittenberg.

Í ljósi þess má vera að margir séu að íhuga að versla sér góðan varning tengdan Lúther. Það er ekki ólíklegt að fólk vilji á einhvern hátt merkja sig siðbótarfrömuðinum. Ég vil hjálpa þessum leitandi sálum og vísa þeim á afbragðsvarning sem getur verið gott að eignast fyrir 500 ára afmæli upphafs siðbótarinnar eftir 10 ár.

Lúther-bjórkrúsin þykir góð. Hún er prýdd hluta af þekktum orðum Lúthers: "Syndga djarflega. En vertu djarfari í trausti þínu á Krist". Á ensku er fyrri hlutinn oft útlagður sem: "Sin boldly". Vel viðeigandi á bjórkrús.

Svo má líka versla flotta Lúther sokka. Þeir eru merktir þeim orðum sagt er að Lúther hafi mælt í lok ræðu sinnar þar sem hann neitaði að draga öll sín fyrri orð til baka. Lokaorð Lúthers í svari hans eiga að hafa verið: "Hier stehe ich; ich kann nicht anders. Gott helfe mir! Amen". Á ensku hafa þeir útlagt þennan fyrrihluta sem "Here I stand" og smellt á þessa fínu sokka

Að lokum er síðan gott að rifja upp ævihlaup Lúthers og horfa á Hollywood blockbusterinn: LUTHER-rebel, genius, liberator? Okkar maður er leikinn af engum öðrum en Joseph Fiennes.

vel bloggað

2007-10-31T15:12:00.000-07:00

Davíð Þór Jónsson er með fína umfjöllun um nýju biblíuþýðinguna. Laggott svar í þessum anda hefði mátt koma fyrr fram, frá þeim sem héldu utan um verkið.

svona lala

2007-10-25T07:55:00.000-07:00

Jæja Grétar, Hvernig gengur í skólanum?

Gæti gengið betur. Ég var látin sitja eftir þrisvar sinnum í síðustu viku. Svo var ég einu sinni sendur til skólastjórans

Það fáránlegasta við þetta allt saman er að það var ekki einu sinni ég sem byrjaði.

Menntakerfið

2007-10-24T15:19:00.000-07:00

Minn helsti Akkilesarhæll í útihlaupunum er án efa hægri hællinn. Ég fæ alltaf hælsæri í hann. Eiginlega ekkert í hinn.

Ég skil ekki af hverju og velti því hér upp að kenna menntakerfinu um.

Af hverju þarf annars allataf að vera að setja menntun upp í einhver kerfi?

Á ekki bara hver og einn að velja fyrir sig hvað hann vill læra?
Er það ekki bara persónulegt val hvers og eins hvað fólki finnst skipta máli í menntun?

spurningar spurningar......
Menntakerfið hefur ekkert búið mig undir að takast á við þessar spurningar.

biblíuspenningur

2007-10-23T15:27:00.000-07:00

Það fer um mig spenningsfiðringur þessa dagana þegar ég tek nýju biblíuþýðinguna mér í hönd til að lesa. Þetta er mjög skemmtilegt.
Svo keypti ég líka svo flotta týpu. Vínrauð er hún með fallegum táknmyndum.

atvinnumaður

2007-08-24T03:44:00.000-07:00

Ég skildi ekkert í því af hverju allt þetta fólk var alltaf að elta mig, lafmótt og ógeðslega sveitt. Ég var bara að hlaupa heim af djamminu. Ég verð reyndar að viðurkenna að ég var í mjög flottum leggings.

dálítið alvarlegt

2007-07-27T08:46:00.000-07:00

dálítið alvarlegt hefur gerst sem snertir alnetið.

sjá hér

í gamla daga....

2007-07-13T04:20:00.000-07:00

Nýlega mundi ég eftir dálitlu.

Í gamla daga, áður en hjólið hafði verið fundið upp þá voru allir bílar með ferköntuð dekk.

Maður á erfitt með að ímynda sér óþægindin sem forfeður og mæður þurftu að búa við vegna þessa.

veislur

2007-07-09T14:26:00.000-07:00

Mér sýnist giftingarveislur vera einu raunverulegu veislurnar sem almenningi stendur til boða í dag. Þær hafa það sem til þarf.

Púrítanar/The Smiths

2007-07-09T14:03:00.000-07:00

The devil will find work for idle hands to do

Vaxtarækt

2007-07-04T14:26:00.000-07:00

Vaxtarækt snýst ekki um að vinna.
Hún snýst um að vera með.

Þetta er nú einu sinni bara leikur.

Sumarnótt

2007-05-31T14:02:00.000-07:00

Ég vil birta hér alveg frábært ljóð sem ég sá fyrst í Tímariti Máls og Menningar.
Ljóðið er að mínu mati magnþrungið.

Björn Halldórsson prestur í Laufási er sagður hafa samið ljóðið nóttina fyrir giftingu sína á sumarmánuðum ársins 1852. Honum leið illa í hjónabandi og vildi ekki giftast. Hann var prestur og sjálfur prestsonur og átti síðar eftir að verða biskupsfaðir. Ekki er vitað hvers vegna Björn kveið svo komandi degi sem bar í skauti sér giftingarathöfn hans. Um þá spurningu er fjallað í Tímaritinu. Kannski var hann samkynhneigður, kannski hafði hann ekki áhuga á hjónabandi yfirleitt, eða var ástfanginn af annarri konu. Hver veit? Hann kveið allavega giftingardegi sínum sárlega og leið ekki vel í hjónabandi. Nóttina fyrir giftingu sína á hann að hafa samið þetta ljóð sem er ævintýralega vel gert. Lestu það hægt, af þunga og með athygli:

Sumarnótt
Dags lít ég deyjandi roða
drekkja sér norður í sæ;
grátandi skýin það skoða,
skuggaleg upp yfir bæ

þögulust nótt allra nótta,
nákyrrð þín ofbýður mér.
Stendurðu á öndinni af ótta
eða hvað gengur að þér?

Jörð yfir sofandi síga
svartýrðar lætur þú brýr.
Tár þín á hendur mér hníga
hljótt, en ég finn þau samt skýr.

Verður þér myrkvum á vegi
vesturför óyndisleg?
Kvíðir þú komandi degi,
kolbrýnda nótt, eins og ég?

Hvað veistu um stærðfræði?

2007-05-31T14:00:00.000-07:00

Það má auðveldlega mæla með þessu myndbandi.

Gunnari Eyjólfssyni, læknanema er þakkað fyrir ábendinguna.

misgrip

2007-05-30T05:51:00.000-07:00

Það er mikill munur á flatkökum. Til eru svokallaðar Úrvals-flatkökur. Þær eru blátt áfram bragðvondar.

Einnig eru til svokallaðar Selfoss-flatkökur. Það er vægast sagt góðar flatkökur og afbragðs matur. Rosalega eru þær góðar.

Mikið ofboðslega er mikill gæðamunur á flatkökum.
Ég skil í raun ekki hvernig Úrvals-flatkökur geta verið svona bragðvondar.
Ég vildi helst að það væri hætt að framleiða þær.
Ég keypti mér óvart Úrvalsflatkökur áðan fyrir misgrip.

litlar spár rætast líka

2007-05-19T05:39:00.000-07:00

Jæja, mín litla spá (sjá neðar) gekk eftir og rauða bindið á kjördag virðist hafa virkað. Kratar verða í næstu ríkisstjórn og er það vel.

Á tímabili sýndist mér vera góður möguleiki á samsteypustjórn Krata, Vinstri-grænna og Framsóknarflokksins.
Síðan tók ég eftir því að Vinstri grænir höfðu fengið sér bæði kókaín og amfetamín daginn eftir kjördag. Þeir hegðuðu sér með þeim hætti að ég hefði ekki þorað að vera með þeim einn í herbergi, hvað þá að ég hefði treyst þeim í ríkisstjórn.

Nýr meirihluti tekur við. Kratar fá þar margt að segja og verður skemmtilegt að sjá þær umbætur sem við taka. Ég vona bara að þessir flokkar verði ekki svo miklir formælendur efnahagslegrar skilvirkni að menningin eigi sér hvergi griðaskjól. Því hvað er eftir ef allt er berstrípað niður í það að eiga bara að vera skilvirkt? Þá er gott að minna aftur á orð Karls Bretaprins, eða Prince Charles, eins og vinir hans kalla hann:

"The trouble, I think, in today’s world is we abandon so many things unnecessarily,
so often in the name of efficiency. If you make everything over-efficient, you suck out, it seems to me, every last drop of what, up to now, has been known as culture."

Á sama tíma er ég samt líka mikill unnandi efnahagslegrar skilvirkni.

þurfti að blogga

2007-05-15T12:58:00.000-07:00

Ég hef reynt að halda í mér með að blogga þar til ríkisstjórn yrði mynduð.
En ég get það ekki.
Ég bara verð að blogga.

Vísindamenn segja að þetta sé ein af frumhvötum mannsins.

Í kvöld...

2007-05-12T10:56:00.000-07:00

í kvöld set ég upp fagurrautt bindi

mín litla spá

2007-05-12T09:36:00.000-07:00

kratar verða í næstu ríkisstjórn.

endilega

2007-05-09T13:05:00.000-07:00

Á föstudaginn flyt ég svokallaða lokapredikun.
Það mun eiga sér stað í kapellunni í Aðalbyggingu Háskóla Íslands, föstudaginn 11.maí kl. 15:00

Endilega komdu, ekki seinna en 15.00, hlustaðu á mig og fáðu kaffi og (kiwi)kökur á eftir.

Sumir segja að þetta sé besta leiðin til að slaka á í prófum.
Svo er ég líka nýkominn úr klippingu þannig að þetta gæti orðið mjög áhugavert allt saman.

Meira af nashyrningum

2007-05-08T16:11:00.000-07:00

Stærstur hluti dýralífsmynda fjallar um stóru kattardýrin. Ég hef áhuga á nashyrningum. Þeir eru nær aldrei viðfangsefni dýralífsmynda.
Sem er skrýtið. Þetta eru merkileg dýr.

orð dagsins

2007-05-04T13:23:00.001-07:00

Myndugleikahrörnun

Artist 4life

2007-05-02T16:06:00.000-07:00

Ég held að listamenn séu að "spila mjög öruggan bolta" ef þeir passa að allt sem þeir geri sé með einhverjum hætti hægt að útskýra sem ádeilu á neyslusamfélagið.

UCC-auglýsingar

2007-05-01T05:42:00.000-07:00

Mér finnst þessar auglýsingar vel gerðar. Mér skilst að forsetakandídatinn Barack Obama sé í þessari tilteknu kirkju. Ég væri síðan til að fá íslenska versjón af þessu.

Auglýsing 1

Auglýsing 2

Þakka Halldóri Elíasi fyrir ábendinguna. Þakka honum líka fyrir að hafa verið góður leiðtogi í Vatnaskógi, back in the days.

gaman

2007-04-28T04:10:00.000-07:00

Stundum, þegar ég er svangur
Þá fæ ég mér nektar og ambrósíur
og hlæ að mannfólkinu

Erfitt að læra á bók? - Norsk Helpdesk

2007-04-27T15:05:00.000-07:00

Það er svo erfitt að læra á bók. Það er næstum jafn erfitt og að læra á tölvu. Það sannast í þessu norska myndbroti þar sem munkur einn þarf að glíma við bóklestur í fyrsta sinn. Hann kallar í framhaldi á tæknimanninn. Ekki láta norskuna trufla þig. Ég held í raun að norskukunnáttu sé ekki þörf.

Gjörsvovel....

Prestastefna - Það sem enginn sá

2007-04-27T02:39:00.000-07:00

Ég á grein í dag á Vefritinu

Dabbi kóngur

2007-04-25T07:38:00.000-07:00

Þetta er besta atriðið sem hefur verið í nokkru áramótaskaupi. Fáranlega vel gert, vel rappað, mjög fyndið auk þess sem það náði að fanga algerlega tíðarandann þegar nokkurra manna klíka drottnaði yfir Íslandi. Það er það sem áramótaskaup eiga að gera. Fanga tíðarandann.

Það hefur enginn setið lengur á forsætisráðherrastól
Hann er búinn að sitja lengur en Helmut Fokkíng Kohl
Stjórnarandstaðan lemur ekki fast,
samt getur verið gaman að fara í dvergakast

Þakka St. Einari, ástmögri Davíðs fyrir ábendinguna.

bestu núlifandi guðfræðingarnir

2007-04-21T14:33:00.000-07:00

Ég tók saman lista yfir bestu núlifandi guðfræðinga á helstu fræðasviðum guðfræðinnar.

Besti guðfræðilegi siðfræðingurinn- Stanley Hauerwas
Besti Nýja-testamentisfræðingurinn- N.T Wright
Besti Gamla-testamentisfræðingurinn – Walter Brueggemann
Besti Kirkjusagnfræðingurinn – Alister E. McGrath
Besti Trúfræðingurinn- Jürgen Moltmann

Ok.ég veit að þetta er tæpt með Alister E. Mcgrath þar sem hans svið er historical theology, en mér finnst hann samt best eiga heima þarna. Mér fannst þó erfiðast að velja besta trúfræðinginn og er ekki alveg viss um hvort ég sé sáttur. Jürgen Moltmann varð niðurstaðan en ég veit samt ekki alveg með þetta. Er enginn trúfræðingur sem er flottastur svo af ber? Maður hefði nú líka getað valið einhvern sem væri meira "edge" í, eins og John Milbank.

Ég lýsi síðan eftir þeim besta í kennimannlegri guðfræði annars vegar og almennri trúarbragðafræði hinsvegar.

Endilega komdu með eitthvað. Bentu á góða guðfræðinga sem ættu betur heima á einhverju sviðinu. Fleiri tilnefningar!

Valentine lost

2007-04-20T05:21:00.000-07:00

"Passion killed by acid rain.
A rollercoaster in my brain."
-Eiríkur Hauksson, Valentine Lost-

Lagatextar sem koma inn á heilann heilla mig einhvern veginn. Mér finnst orðið heili, "brain" vera það orð sem einna næst kemst því að vera andstæðan við ljóðrænu.

7 mál á dagskrá

2007-04-15T14:53:00.000-07:00

guðfræðinemi sem gengur undir dulnefninu HH hefur það viðhorf að maður geti ekki verið fullnuma guðfræðingur nema að kunna að minnsta kosti 7 tungumál. Hann segir að maður verði að kunna koine-grísku, klassíska hebresku, latínu, þýsku, ensku,auk einhvers annars evrópumáls að viðbættu manns eigin móðurmáli.

Mig vantar latínu og þyrfti alvarlega að skerpa á þýskunni og hebreskunni. Hvenær á maður svo að lesa þessa guðfræði?

samskipti

2007-04-13T05:53:00.000-07:00

Oft þegar fólk er spurt í blöðum hvaða eiginleika það kunni best að að meta í fari annars fólks þá svarar það: hreinskilni.

Þetta finnst mér athyglisvert.

Ég kann nefnilega best að meta fólk sem fer eins og köttur í kringum heitan graut og talar í véfréttastíl án samtenginga.

Gemmér fix

2007-04-11T16:46:00.001-07:00

Stundum á kvöldin þá finn ég að ég þarf fix.

Þá læt ég það líka bara eftir mér og fæ mér kiwi-köku og mjólkurglas.

Góðar fréttir

2007-04-08T05:39:00.000-07:00

Gröfin er tóm!

Jesús er upprisinn og hann lifir!

Get ekki annað en sett með eftirfarandi tilvitnun úr glænýjum Matteusar-kommentarnum mínum: The devil has lost. The devil had offered Jesus authority over all the kingdoms of the world if only Jesus would worship him,

but Jesus's whole life was a refusal of that offer.
It was a refusal that required Jesus to endure rejection and crucifixion, but through that endurance he has triumphed.

He alone now has the authority to send the disciples to the world to make disciples of all the nations....

....The disciples are now equipped to be sent to the nations, baptizing them into the death and ressurection of Jesus to make them citizens of his death-defying kingdom.

2007-04-06T08:06:00.000-07:00

Í gegnum móðu' og mistur
ég mikil undur sé.
Ég sé þig koma, Kristur,
með krossins þunga tré.
Af enni daggir drjúpa,
og dýrð úr augum skín.
Á klettinn vil ég krjúpa
og kyssa sporin þín.

Davíð Stefánsson

Í nótt er ég í Getsemane

2007-04-05T16:44:00.000-07:00

".....í Getsemane. Þar var maður um nótt að stríða í bæn. Hann bugaðist frammi fyrir þeirri skelfingu sem blasti við honum í myrkrinu. Hann fór að skjálfa, hann lét hugfallast. Nærstaddir vinir heyrðu slitrótt óp: Faðir, tak þennan bikar frá mér, láttu þennan kaleik fara framhjá mér, ég get ekki drukkið það eitur, sem mennirnir eru að byrla mér og þér og sjálfum sér. En ef ekki er annað hægt, ef þú veist enga aðra leið en að þola þetta, verði þá þinn vilji. Hann stóð upp frá bæn sinni. Og var þá orðinn sterkur, viss, einbeittur. Hljóður gekk hann síðan á vit afdrifa sinna, hinn eini öruggi og sterki af öllum sem koma við sögu hans í höllum valdsins, á torgi múgsins, á aftökustaðnum Golgata. Þeir eru margir, sem hafa bugast eins og hann, beðið eins og hann. Og margir, sem hafa fundið hann við hlið sína, þegar þeir fóru að skjálfa og láta hugfallast. Þeir heyrðu Guð segja: Ég veit og skil, ég veit hvað það er að horfa inni í myrkrið svarta. Þú bergir engu svo, að ég hafi ekki fyrri fundið, hvernig það er að tæma óbærilega ramma skál. Og vittu það, að ég sem ber synd og harma heimsins, ég breyti hverjum beiskum dropa, sem þú bergir með mér , í lyf til lífs, ódauðlegs, sigrandi lífs."

Sigurbjörn Einarsson, Haustdreifar

until Jesus comes

2007-04-04T16:18:00.000-07:00

Þessi lagatexti þykir mér einstaklega vel heppnaður. Hann, ásamt laginu er eftir hinn frábæra anglo-kaþólikka Sufjan Stevens og af plötunni Seven Swans. Þessi texti er líka svo viðeigandi í tengslum við þá atburði sem við minnumst á næstu dögum og gerðust ekki fyrir svo löngu síðan. Ef þú skilur ekki þess tengsl, þá ertu ekki nógu dugleg/ur við að fara í kirkju. Bættu úr því. Ef þú vilt heyra lagið með þá getur þú smellt hér

Abraham, worth a righteous one.
Take up on the wood,
Put it on your son.
Lake or lamb.
There is none to harm.
When the angel came,
You had raised your arm.

Abraham, put off on your son.
Take instead the ram
Until Jesus comes.

Hver kennir okkur þetta?

2007-04-03T16:10:00.000-07:00

Var að horfa á þátinn Everybody Loves Raymond.
Í þættinum slítur bróðir Raymond sambandi sínu og konu sinnar.
Móðir hans er ekki ánægð með það og skammar hann.

Bróðir Raymond segir þá:
"Its my life I will do what I want".
Síðan skellir hann á eftir sér hurðinni.
Móðir hans snýr sér þá að Raymond og segir:
"Who has been telling him its his life?"

Mér fannst svolítið til í þessari athugasemd hjá henni.

maður er nefndur

2007-04-02T16:10:00.000-07:00

Það var eitthvað örlítið frískandi við viðtalsbrotið við Slavoj Zizek sem var sýnt í Silfri Egils.

Það verður athyglisvert að sjá viðtalið þegar það verður birt í heild sinni.
Nema náttúrulega að hann segi eitthvað leiðinlegt. Sem er mögulegt. Þessi maður er líklega “loose cannon”.

tvær flottar

2007-03-31T13:29:00.000-07:00

Í gær fékk ég mikla dýrgripi að gjöf.

Þetta eru annars vegar mikill doðrantur: The Hauerwas Reader, upp á 729 blaðsíður. Ég veit aðeins um einn mann sem hefur lesið svo langar bækur og það er maður að nafni Stefán Einar sem ku eitt sinn hafa lesið 777 blaðsíðna bók!
Geri aðrir betur.

Síðan var það mikill gimsteinn, ristkýringarverk um Matteus: "Matthew" úr ritskýringarröðinni Brazos Theological Commentary on the Bible. Höfundur enginn annar en Stanley Hauerwas.

Þessar gjafir á ég guðfræðigenginu að þakka.
Ég held að eftir þessa bókagjafir geti ég fullyrt að ég eigi stærsta Hauerwas bókasafn á Íslandi.

Öll sagan liggur undir

2007-03-28T15:23:00.000-07:00

Einhvern veginn held ég að nemar í sagnfræði hljóti alltaf að vera undir þeirri byrði væntinga annarra að þeir viti allt sem hefur nokkurn tímann gerst.

Kalt mat

2007-03-27T08:25:00.000-07:00

Ég var úti á landi. Ég gekk út eldsnemma um morgun ásamt manni. Við vorum ekki einir. Það var hávetur og ískalt. Enginn snjór, bara endalaust frost, klaki og gult fölnað gras.
Logn.
Sólin var ekki komin upp en það var samt bjart.
Kuldinn nísti inn að beini og maðurinn gekk á undan.
Gangan var erfið og á fastandi maga. Klakinn yfir holunum í jörðinni var svo þurr að hann brotnaði eins og spegill þegar stigið var á hann. Það var ekkert undir honum.
Ekkert orð var mælt.
Í dálítilli fjarlægð gengu hestar framhjá á gulu grasinu.
Maðurinn stoppar.
Augu mæna á hann.
Hann segir:
“Hesturinn er magnað tákn. Tenging við hið villta í manninum.”
Ég horfði á hestana. Ég reyndi að sjá táknið.
Var hann spámaður?
Eða sagði hann þetta kannski bara til að fylla upp í þögnina?
Það fæ ég aldrei vitað.
En mér leið allavegana eins og fávita.

Slavoj Žižek og Jürgen Moltmann

2007-03-26T09:00:00.000-07:00

Heyrst hefur að Slavoj Žižek sé væntanlegur til landsins í lok vikunnar. Er hann víst ein aðalstjarnan í heimspekinni í dag. Ég hef nú einu sinni gerst svo góður og færa inn færslu um þann ágæta mann. Ég þekki bara til hans af afspurn.

Hinsvegar fékk ég nú ekki síður góðar fréttir nýlega. En það er að hinn heimsþekkti guðfræðingur Jürgen Moltmann er á leiðinni til landsins og verður með fyrilestra 1. og 2. Júní.

Allt að gerast?
Verður giggið hans Žižek í höllinni?
á að leigja brjálað hátalarakerfi?
Verður sápukúluvél?

spurningar.....

Að stela frá kirkjunni

2007-03-25T15:08:00.000-07:00

Guðfræðingurinn Stanley Hauerwas var spurður hvers vegna hann væri svo oft beðinn um álit eða fenginn til að skrifa um guðfræðileg efni, t.d í tímaritið Time. Hann svaraði spurningunni á fyrirlestri í Yale-háskóla:

"I think the answer is very simple:
I have got something to say!
I get asked because I have something to say. The fact that I have something to say has almost nothing to do with me. I only have something to say because of the stuff I steal from The Church. That is why I have somehing to say. I just take christian speech straight up and then try to use it in an unapologetic way."

Ó, að fleiri guðfræðingar gætu gert það sama og hætt þessum rembingi. Hversu gáfaðir þykjast þeir vera sem telja sig þess búna að finna upp nýjan kristindóm.

Thin and Beautiful

2007-03-25T11:28:00.000-07:00

Þessi frétt kemur mér virkilega á óvart. Maður hefur í gegnum tíðina alltaf getað stólað á nærveru sykurlausa kóladrykksins Tab.
Löngum hefur því verið haldið fram að Tab sé skammstöfun fyrir enskuna Thin And Beautiful. Tab-drykkja hefur enda verið eitt af leyniráðum þvengmjórra íslendinga allt síðan 1982, sem er mitt fæðingarár.

Hver á núna að vera í Tab-liðinu.
Munu þvengmjóir íslendingar fitna?
Hversu mikið?

cal.p.hour

2007-03-24T06:34:00.000-07:00

hversu mörgum kaloríum brennir maður í ísbíltúr?

Þá meina ég á klukkutímann

Theopolitical Imagination

2007-03-21T12:25:00.000-07:00

Mér þykir þetta svo fallegur bókartitill

Allt er þegar 110 síður er

2007-03-21T06:23:00.000-07:00

Svona í ljósi færslunnar hér á undan:
Á þessari önn er ég með heldur mikið af verkefnum og ritgerðum. Samtals eru þetta um 110 síður sem ég á að hafa lokið við lok annarinnar. Ég hef þegar lokið um 50 síðum. Stærstu bitarnir sem eru eftir eru einmitt tvær ritgerðir í nýja-testamentisfræðum. Ein 25 síðna og önnur 20 síðna. Allt í allt held ég að 7 einingar af Nýja testamentisfræðum ætli að þýða nálægt 70 blaðsíður af ritgerðum og verkefnum á önninni. Mér finnst þetta mikið. Til samanburðar má nefna að B.A ritgerð er 50 síður og metin til 5 eininga. Þar eru heldur engin lokapróf. Ég á afmæli næsta sunnudag.

ZERO

2007-03-18T17:14:00.000-07:00

Annars er dálítið gaman að leika sér með þetta form Coca cola Zero-auglýsinganna.

Af hverju ekki:

Kennari- með ZERO kröfur
Kúrs í Nýja-testamentisfræðum- með ZERO ritgerðum
Bók- með ZERO formála
Náungi- með ZERO guðfræðiþekkingu

firrtir menn gera auglýsingu

2007-03-18T08:20:00.000-07:00

Eru höfundar þessarar herferðar eitthvað truflaðir?

Svo segja þeir að þeir séu að reyna að höfða til ungra karlmanna. Hvað finnst þeim þá eiginlega um unga karlmenn?

Þetta er eitt stærsta fyrirtæki á Íslandi.

Rudolf Bultman

2007-03-16T15:40:00.000-07:00

Ég fann ljóð sem ég bara varð að birta fyrir guðfræðiliðið. Það er enda ekki á hverjum degi sem maður finnur ljóð um guðfræðinga. Rudolf Bultmann var svo einstaklega atkvæðamikill í nýja-testamentisfræðum að það hálfa væri hellingur. Ég rakst á þetta ljóð um hann á guðfræði-bloggsíðunni Faith and Theology. Gjörsvovel, njóttu.......

Rudolf Bultmann
In the shadows of high shelves you sat in heavy silence,
reading old Greek books and smiling
grimly.
You seemed so still, an unmoved mover
in your airless German office,
but you were poised on that fixed point
between the weight of other people’s centuries and the burden
of the moment.

Then at last with happy seriousness, like a child
playing with matches,
you took those legends, myths, pious certainties,
and placed them neatly on the floor, arranged them
by strict principles.
With cries of protest deafening your ears,
with fists pounding the door, you calmly
set them alight
and watched them burn, hoping
that from those ashes would spring
that fragile phoenix (so ancient and so new)
of faith in him who hides himself, but
tears time, splits graves, and strips
existence to the bone
when he pulls back the veil.

B. Myers, March 2007

Framtíðin er annað land II

2007-03-15T14:43:00.000-07:00

Tíkallasímar eru sagðir fyrirbæri fortíðarinnar.

En ef við tökum öll höndum saman,

þá getum við gert þá að fyrirbæri framtíðarinnar........

Je je je mr. grandmother

2007-03-15T07:24:00.000-07:00

Ég hef undanfarið verið að vinna ritgerð í trúarbragðarétti. Í kjölfar hefur vaknað vangavelta, lítil mjök:

Mér sýnist kristin mannhelgishugsun ná miklu lengra og víðar heldur en mannréttindaskilningurinn sem hefur þróast á Vesturlöndum. Réttindahugtakið takmarkar eitthvað svo þá köllun sem við ættum að hafa gagnvart manneskjum.

Mannréttindi eru samt afsprengi kristinnar trúarhugsunar, tekin úr sínu upprunalega samhengi og þróuð í veraldlegum ríkjum Vestur-Evrópu í nútíma og síðnútíma. Þess vegna hafa þau annan brag þótt samhljómurinn sé sterkur.

Séní

2007-03-13T13:48:00.000-07:00

Ég hef fundið upp nýtt nafn!

Steinsigurgeir

Ekki á hverjum degi sem nýtt nafn er fundið upp.
Nóbelsverðlaun takk fyrir.

horfir til friðar

2007-03-13T06:56:00.000-07:00

Á heimasíðu ungra vinstri grænna er að finna þessa mynd og eftirfarandi skoðanakönnun:

Kapítalistasvín er best:

-grillað á teini.
-geymt í stíu.
-soðið í potti.

Þetta er ekki ok.

Enn notalegri smáhugleiðing undir nóttina

2007-03-12T09:22:00.000-07:00

Já, kannski erum við Súmerarnir,
Erum Karþagóhyskið. Babýlonpakkið
- já við, kannski erum við hinir
nýju Forn-Egyptar, fornu Ný-nasistar
nýja Þúsun-dára-ríkisins ...

Eins og þeir: sko, hvað við trúum
Að við berum af öllum sem á undan komu, trúum að við
- sko, VIÐ – munum vara að eilífu ...

Svo tekur sandurinn við,
Fyllir vit okkar og vitund,
Verpir okkur eilífri gleymsku
sem ekkert fær rofið,
ekkert fær rofið

nema Kristur.

Ísak Harðarson, Hjörturinn skiptir um Dvalarstað

einn grínóttur

2007-03-10T08:23:00.000-08:00

Lengi hef ég vanmetið eldri-kalla húmor. En ég er að vinna í þessu og er í óða önn að reyna ná tökum á þessu skemmtilega grínformi.

Maður getur ekki almennilega grínast án þess að þekkja þann þunga straum eldri-kalla húmors sem er svo stór hluti af öllu heimsins spaugi.

Menningarkúgun

2007-03-07T03:34:00.000-08:00

Einu sinni þekkti ég mann sem var alltaf með eyrnalokka í geirvörtunum.
Það fór oft mikill tími í að sannfæra hann um að vera í bol.

slæmar eftirlíkingar

2007-03-06T06:36:00.000-08:00

Mér mundi eftir eftirfarandi lagatexta í ljósi færslunnar hér á undan. Lagatextinn er frá Pulp úr lagi sem kallast Bad Cover version. Textinn er góður, þar sem taldar eru upp ýmsar slakar eftirlíkingar. Svo er myndbandið líka fyndið. Mæli með því. Nokkrar góðar eftirhermur þar. gjörsvovel.....

It's like a later "Tom & Jerry"
when the two of them could talk
Like the Stones since the Eighties,
like the last days of Southfork.
Like "Planet of the Apes" on TV,
the second side of "'Til the Band Comes in"
Like an own-brand box of cornflakes:
he's going to let you down my friend

sláandi líkir!

2007-03-04T15:33:00.000-08:00

Það er til maður sem er alveg nákvæmlega eins og Óskar vinur minn, bara feitari. Þessi maður hefur sést einu sinni á Alnetinu. Líkindin eru að mínu mati svo gífurleg að það nálgast ótrúlegt. Þú gætur dæmt sjálfur/sjálf:

--ókunnur Maður--

--Óskar vinur--

Annars er þetta myndband mannsins alveg frekar merkilegt.

morgunstund....

2007-03-03T14:31:00.000-08:00

Það er fátt betra en að vakna endurnærður að morgni og meðtaka náðina.

Hjarta mitt er stöðugt, ó Guð,
hjarta mitt er stöðugt,
ég vil syngja og leika.
Vakna þú, sál mín,
vakna þú, harpa og gígja,
ég vil vekja morgunroðann.
Ég vil lofa þig meðal lýðanna,
Drottinn,
vegsama þig meðal þjóðanna
-Sálmarnir 57.8-10-

Að ég fengi náð til að vakna oftar þannig. Það væri bara yndislegt. Ég gleymi þessu hinsvegar ítrekað og fer seint að sofa.

breakfast of champions

2007-02-28T15:29:00.000-08:00

Trópí og Gajol.

Ef maginn þinn þolir það í morgunsárið, þá þolir hann allt.

tímaskekkjur í strætóskýli

2007-02-26T13:21:00.000-08:00

Hver man ekki eftir laginu Informer með Snow?
Ég heyrði nýlega tvo unga drengi spjalla saman í strætóskýli.

Drengur A: Ég verð síðan að leyfa þér að heyra lagið Informer
Drengur B: Hvað er það?
Drengur A: Æ, það er lagið sem ég var að segja þér frá, með Snow. Reggílagið sem ég var að tala um.
Drengur B: Ég fíla ekki Reggí
Drengur A: Æ, þetta er ekki reggi... Þetta er bara alveg geðveikt lag. Þú verður að heyra það.

Þetta fannst mér tímaskekkja.

ómenni

2007-02-26T08:21:00.000-08:00

Það gjörist hér með kunngjört að Sigurður Valdimar Steinþórsson er í andstyggilegum bol.

Hann ætti að eyða þessum bol og iðrast í sand og ösku.

vin í eyðimörk

2007-02-25T14:07:00.000-08:00

Dvaldi uppi í Skálholti um helgina. Eftir margar gönguferðir í nístíngskulda í fölgulri og hrímaðri náttúru þá staðfestist það sem ég hef svo oft hugsað:
Ég skil ekki hvernig fólk fór að á þessu landi fyrir tíð upphitaðra húsa og farartækja.

Það er eitthvað svo mannfjandsamlegt veðrið að upphituð húsin verða eins og vin í eyðimörk.

passaðu þig!

2007-02-21T15:02:00.000-08:00

Ég er ennþá í því að hengja öskupoka í fólk.

.....í dúnúlpur

welcome to my rabbit website

2007-02-21T06:35:00.000-08:00

Tenglalistinn minn inniheldur nokkrar perlur. Meðal annars eina sem ég tel mikilvægt að fari ekki fram hjá neinum. Það er þessi hér: Hjalti Kristinsson

til dægradvalar

2007-02-20T07:18:00.000-08:00

Fólk hefur mikið verið að spjalla við mig um prófið góða sem ég birti á síðunni fyrir nokkkrum dögum. Skemmtilegt finnst mér alltaf að heyra hvernig fólk skoraði. Ég hugsaði því með mér að kannski gæti fólk haft gaman að því sjá mínar niðurstöður.
Enda er þetta allt til gamans gert en ekki til að vera einhver stóri-dómur um hvar fólk stendur í öllum málum guðfræðinnar.
Ég hefði reyndar viljað hafa valmöguleika á borð við Postliberal og Radical orthodoxy þarna inni. En miðað við valkostina sem fyrir lágu þá er þetta allt nokkurn veginn samkvæmt væntingum. Ég er víst Neo-orthodox og vel það.

Neo orthodox

96%

Evangelical Holiness/Wesleyan

79%

Emergent/Postmodern

68%

Charismatic/Pentecostal

57%

Roman Catholic

57%

Reformed Evangelical

39%

Classical Liberal

36%

Fundamentalist

36%

Modern Liberal

29%

What's your theological worldview?
created with QuizFarm.com

Súlur himinsins, gangandi kirkjur

2007-02-19T15:33:00.000-08:00

"... því að mátturinn fullkomnast í veikleika."
-2. Kor. 12.9

Undarlegir eru þeir, þessir
sem Guð hefur valið til að vera súlur himins á jörðu.
Máttvana og mislukkaðir,
flöktandi og órakaðir
staulast þeir um götur borganna;
samt eru þeir gangandi kirkjur!
Og lýðurinn fyrirlítur þá.

Að sjá úrhrökin,
að heyra í hræsnurunum!

Vefst oftast tunga um tönn
þegar þeir ætla að vitna um Undursannleikann
um veruleik og lifandi nálægð Guðs

rembast í eigin veika mætti
við að segja frá Sannleikanum
sem hefur svo oft heimsótt þá

þumbast í eigin þrjósku
við að segja frá Kærleikanum
yfirflæðandi sem elskar alla.

Samt eru það þeir
- hinir skrítnustu og minnstu meðal manna -
sem Guð hefur valið
til að bera ást sína og sannleik út um heiminn.

Og stundum,
stundum gerist kraftaverkið:
sjálfum er þeim vikið til hliðar
af ofurkrafti himnanna
og úr munni þeirra og augum
flæða orð og geislar Heilags Anda
sem ber heiminn uppi
og vitnar svo ómótmælanlega um himininn
að engin mótstaða fær staðist
eitt einasta blik,
eitt einasta orð

Ísak Harðarson- Hjörturinn skiptir um dvalarstað

mannanna börn

2007-02-19T11:48:00.000-08:00

Sannlega, mennirnir eru gras. Grasið visnar, blómin fölna, en orð Guðs vors stendur stöðugt eilíflega.
Jesaja 40.7b-8

I am a flower quickly fading
Here today and gone tomorrow
A wave tossed in the ocean
Vapor in the wind
Still You hear me when I'm calling
Lord, You catch me when I'm falling
And You've told me who I am
I am Yours
Casting Crowns

klassískt...

2007-02-18T14:00:00.000-08:00

Ég hef samt ekkert á móti læknum. Margir af mínum bestu vinum eru læknar...